Սույն թվականի նոյեմբերի 8-ին Անի Պլազա Հոթելի Դվին կոնֆերանս սրահում տեղի կունենա գործարար համաժողով «Արբիտրաժը և մեդիացիան` որպես առևտրային վեճերի լուծման այլընտրանքային եղանակներ» խորագրով: Համաժողովը կազմակերպվում է ԷյԴիԱր Փարթներս ընկերության կողմից:
Համաժողովի առաջին մասի ընթացքում կքննարկվի արբիտրաժի և մեդիացիայի էությունը, կներկայացվեն նրանց տեսակները, դրական և բացասական կողմերը, արբիտրաժի և մեդիացիայի վերաբերյալ համաձայնության առանձնահատկությունները ու դրանցում ներառվելիք հիմնական դրույթները, «Արբիտրաժի մասին» օրենքում առաջարկվող փոփոխությունները և այլն:
Համաժողովի երկրորդ մասը ներառում է «Իրավաբանի (փաստաբանի) արդյունավետ մասնակցությունը մեդիացիայում» թեմայով քննարկում, որի շրջանակներում ԷյԴիԱր Փարթներս ընկերության գլխավոր տնօրեն Մուշեղ Մանուկյանը կներկայացնի իրավաբանի/փաստաբանի մասնակցության առանձնահատկությունները մեդիացիայում, կտրամադրի գործնական հմտություններ, ինչպես նաև կքննարկվեն հաճախորդների շահերի արդյունավետ ներկայացուցչությունն ապահովելու երաշխիքները:
Սույն քննարկումը նախատեսված է միայն փաստաբանների և իրավաբանների համար:
Համաժողովին կմասնակցեն ԷյԴիԱր Փարթներս ընկերության գլխավոր տնօրեն, արբիտր և մեդիատր ի.գ.թ. Մուշեղ Մանուկյանը, ԷյԴիԱր Փարթներս ընկերության արբիտր և մեդիատր ի.գ.դ. Աիդա Ավանեսյանը և ԷյԴիԱր Փարթներս ընկերության արբիտրներ ի.գ.թ. Արամ Օրբելյանը և ի.գ.թ. Եղիշե Կիրակոսյանը:
Համաժողովի առաջին մասի սկիզբը` 13:00
Համաժողովի երկրորդ մասի սկիզբը` 15:30
Համաժողովի լեզուն` հայերեն:
Համաժողովի օրակարգը կարող եք ներբեռնել այստեղ: