2013 թվականի սեպտեմբերի 2-ին ՀՀ Արդարադատության նախարարությունը Հայաստանի Ամերիկյան Համալսարանի մեդիացիոն կլինիկայի հետ համատեղ կազմակերպում է կլոր-սեղան քննարկում՝ նվիրված Հայաստանում ինստիտուցիոնալ արբիտրաժի խնդիրներին:
Արդարադատության նախարարի տեղակալներ` Եղիշե Կիրակոսյանը և Արամ Օրբելյանը,կներկայացնեն իրենց բացման խոսքը: Հանդիպումը կվարի ԷյԴիԱր Փարթներս ընկերության գլխավոր տնօրեն Մուշեղ Մանուկյանը:
Կլոր-սեղանը նվիրված կլինի հայաստանյան ինստիտուցիոնալ արբիտրաժային
կենտրոններում առկա խնդիրներին, ինչպես նաև Հայաստանի Հանրապետությունում արբիտրաժի և վեճերի այլընտրանքային լուծման միջոցների զարգացման հեռանկարներին ու տեսլականին: Այդ կենտրոններն են` Առևտրաարդյունաբերական պալատին կից գործող մշտական արբիտրաժային դատարանը, Բանկերի միության Ֆինանսական արբիտրաժ հիմնարկը,Ֆինանսական համակարգի հաշտարարը և «ԷյԴիԱր Փարթներս» ընկերությունը:
Կլոր-սեղան քննարկմանը կմասնակցեն միայն ոլորտի առանձին մասնագետներ, ինչը թույլ կտա մշակել Հայաստանում մշտապես գործող արբիտրաժի կայացման հստակ քայլեր:
Կլոր-սեղան քննարկումը կկայանա սույն թվականի սեպտեմբերի 2-ին, ժամը 17.00-ին, Հայաստանի Ամերիկյան Համալսարանում: