E-mail: info@adr.am
Web: www.threecrownsllp.com
Արբիտրաժ և Մեդիացիա,
Միջազգային մասնավոր իրավունք և միջազգային առևտրային գործարքներ,
Կորպորատիվ և առևտրային հարաբերություններ,
Հեռահաղորդակցության և մտավոր սեփականության իրավունք,
Աշխատանքային իրավունք,
Ընտանեկան իրավունք (Մեդիացիա)
Ճանաչված է որպես միջազգային մասնավոր իրավունքի ոլորտում հայաստանյան առաջատար մասնագետներից մեկը: Ավելի քան 20 գիտական հոդվածների հեղինակ է, որոնք տպագրված են Հայաստանում, Ռուսաստանում և Իտալիայում: Մ. Մանուկյանը նաև հրատարակել է «Միջազգային մասնավոր իրավունք և տրանսնացիոնալ կորպորացիաները. իրավական պատասխանատվության հարցեր» վերտառությամբ աշխատությունը և «ՀՀ Միջազգային մասնավոր իրավունք. Քաղաքացիական օրենսգրքի 12-րդ բաժնի գիտական և պրակտիկ մեկնաբանություններ» վերտառությամբ մենագրությունը:
Մ. Մանուկյանը ավարտել է Հարվարդի համալսարանը, Երևանի պետական համալսարանը և շարունակել ասպիրանտուրան Ռուսաստանի պետական սոցիալական համալսարանում (Մոսկվա), որտեղ պաշտպանել է թեկնածուական ատենախոսություն «Տրանսնացիոնալ կորպորացիաների իրավական կարգավիճակը միջազգային մասնավոր իրավունքի դոկտրինայում» թեմայով: Ավելի քան 2 տարի դասավանդել է միջազգային մասնավոր իրավունք Ռուսաստանի պետական սոցիալական համալսարանում: 2008 թվականին Մ.Մանուկյանը հանդիսացել է ՈԻՆԻԴՐՈՒԱ–ի գիտական հետազոտող Միջազգային մասնավոր իրավունքի ունիֆիկացման միջազգային ինստիտուտում (ՈԻՆԻԴՐՈՒԱ, Հռոմ):
Հանդիսանում է Հաագայի միջազգային իրավունքի ակադեմիայի, Դալասի իրավաբանների միության, Միջազգային իրավաբանների միության, Աշխատանքի միջազգային կազմակերպության և վերջերս Ջեյմս ընկերության (JAMS) Վայնսթայն ծրագրի կրթաթոշակակիր: Նա վերապատրաստվել է վեցամսյա դասընթացների շրջանակներում` կազմակերպությունների միավորումների և ձեռքբերումների ու միջազգային արբիտրաժի ոլորտներում Անգլիայի և Ուելսի իրավաբանական համալսարան-քոլեջում: Մ.Մանուկյանը տարբեր երկրներում մասնակցել է ավելի քան 15 միջազգային դասընթացների, ելույթ է ունեցել կոնֆերանսներում և տարբեր իրավաբանական ֆորումներում:
Մ. Մանուկյանը արտոնագրված փաստաբան է: Նախկինում աշխատել է ՎիվաՍել-ՄՏՍ ընկերությունում որպես առաջատար իրավաբան/փաստաթղթերի իրավաբանական ձևակերպման ստորաբաժանման ղեկավար, Մոբիդրամ ընկերությունում որպես գլխավոր իրավաբան: Աշխատել է նաև Նեյշնլ Ինսթրումենթս ընկերությունում որպես զարգացող շուկաների տարածաշրջանի պայմանագրերի ղեկավար, Ռուսաստան/ԱՊՀ, Հնդկաստան, Արաբական երկրների տարածաշրջանային իրավաբան: Դասավանդել է միջազգային մասնավոր իրավունք և վեճերի այլընտրանքային լուծում Հայ-Ռուսական (Սլավոնական) և Հայաստանի ամերիկյան համալսարաններում, որտեղ ևհանդիսացել է ՌՀՀ-ի և ՀԱՄ-ի Մեդիացիոն և Արբիտրաժային կլինիկաների ղեկավարը: Մ. Մանուկյանը հանդիսանում է ԷյԴիԱր Փարթներս ընկերության հիմնադիր:
Մուշեղ Մանուկյանը արտոնագրված մեդիատր է, ով ունի մեդիացիայի փորձառություն տարբեր երկրներում, այդ թվում` Իտալիայում, Հունգարիայում և ԱՄՆ–ում, իսկ վերջին հինգ տարիների ընթացքում ջանքեր է գործադրում Հայաստանում մեդիացիայի զարգացման ուղղությամբ: Ներկայումս Մուշեղը հանդիսանում է Թրի Քրաունզ իրավաբանական ընկերության Վաշինգտոնի գրասենյակի փաստաբան։
Անձնական հետաքրքրություններ` լուսանկարչություն և ճանապարհորդություն
Լեզուներ` հայերեն, ռուսերեն, անգլերեն, ֆրանսերեն
Ամուսնացած է և ունի երկու դուստր: