Կոնտակտներ
Նարինեհ Հագոբյան
Քեյս մենեջեր
ԷյԴիԱր Փարթներս ՍՊԸ
Մեդիացիայի, Արբիտրաժի
և Վեճերի Այլընտրանքային
Լուծման Ծառայություններ
Բաղրամյան 44, բն. 6
Երևան 0019,
Հայաստանի Հանրապետություն
Հեռ.: +374 98 88 1720
Էլ. փոստ: info@adr.am
Կայք: www.adr.am
Մասնագիտացում
Արբիտրաժ;
Միջազգային մասնավոր իրավունք;
Միջազգային առևտրային գործարքներ;
Բանկային իրավունք;
Միջազգային ֆինանսներ
Աիդա Ավանեսսյան, ի.գ.դ.
Ի.գ.դ. Ավանեսսյանը միացել է ԷյԴիԱր Փարթներս ընկերությանը 2013 թ.-ի մարտ ամսին որպես արբիտր և մեդիատր: Նա հանդիսանում է որպես հեղինակ իրավական պարբերականներում հրատարակված մի շարք գիտական հոդվածների և հրապարակումների, ինչպես նաև մի շարք կոնֆերանսների ժամանակ ներկայացված Իրանի իրավունքի տարբեր ասպեկտներին վերաբերող փաստաթղթերի, պայմանագրերի կազմման, տարբեր տեսակի ծրագրերի պայմանագրերի առանձնահատկությունների, ծրագրերի ֆինանսավորման, կառուցողական պայմանագրերում արբիտրաժի և արբիտրաժի ապապետականացման: Ի.գ.դ. Ավանեսսյանը Լոնդոնում հրապարակել է «Իրան-ԱՄՆ-ի Տրիբունալը գործողության մեջ (յոթ տարի արբիտրաժում)» խորագրով գիրքը, ինչպես նաև հանդիսանում է «Պայմանագրերի կազմումը՝ Անգլիայի, Ֆրանսիայի, Իրանի և Իսլամական իրավունքի համաձայն» աշխատության վերջնական խմբագիրը, որը նույնպես հրատարակվել է Լոնդոնում:
1972 թ.` համալսարանն ավարտելուց անմիջապես հետո, Ա. Ավանեսսյանը աշխատանքի է անցել Իրանի Կենտրոնական բանկի իրավաբանական վարչությունում` միևնույն ժամանակ միանալով «Օվսիա» իրավաբանական գրասենյակներին որպես թղթակից անդամ, այնուհետև` որպես գործընկեր նույն գրասենյակներում: Տիկին Ավանեսսյանը հետագայում հանդես է եկել նաև «Թորոսսյան, Ավանեսսյան և Ընկերներ» իրավաբանական ընկերությունում որպես գործընկեր: 1996 թ.-ից ի վեր` առավել, քան 10 տարի, Ա. Ավանեսսյանը աշխատել է Մեծ Բրիտանիայի մի շարք խոշոր իրավաբանական ընկերությունների հետ` որպես իրավաբանական խորհրդատու ու ներկայումս ևս իրավաբանական խորհրդատվություն է տրամադրում վերոնշյալ իրավաբանական ընկերություններին` իր մասնագիտական ոլորտի և ունեցած փորձի շրջանակներում: Տիկին Ավանեսսյանը վեճերի այլընտրանքային լուծման և փոխադարձ համաձայնությամբ վեճերի կարգավորման ոլորտում փորձառություն է ձեռք բերել շնորհիվ Իրանի և ԱՄՆ-ի միջև պահանջատիրական հարցերով տրիբունալի (հիմնադրված 1980 թ.) շրջանակներում ունեցած փորձի: Այդ շրջանից ի վեր` մասնավորապես վերջին 20 տարիների ընթացքում Աիդա Ավանեսսյանը շարունակում է հանդես գալ որպես անկախ արբիտր և փորձագետ միջազգային առևտրային արբիտրաժներում:
Ի.գ.դ. Ավանեսսյանը ավարտել է Թեհրանի համալսարանի իրավաբանության, ինչպես նաև քաղաքագիտության ֆակուլտետները` ստանալով բակալավրի և մագիստրոսի աստիճաններ միջազգային մասնավոր իրավունքի ոլորտում, այնուհետև շարունակել է կրթությունը Լոնդոնի համալսարանի Քինգս քոլեջում, որտեղ և պաշտպանել է իր գիտական թեզը արբիտրաժային-իրավական հարցերի շուրջ:
Տիկին Ավանեսսյանը մասնագիտացել է իրավունքի տարբեր ոլորտներում, մասնավորապես՝ նավթային և ծանր արդյունաբերությանը վերաբերող պայմանագրերի, կառուցողական պայմանագրերի, ծրագրերի պայմանագրերի իրականացման (այդ թվում նաև Buy-Back, BOT, BOOT, EPC), պայմանագրերի իրավաբանական կառավարման, ծրագրերի ֆինանսավորման, բանկային և միջազգային առևտրի ֆինանսավորման, ներդրումային և համատեղ ձեռնարկությունների, ինչպես նաև առևտրային արբիտրաժի և այլն: 2015թ.-ից Հայաստանի ամերիկյան համալսարանում դասավանդում է «Գործարար իրավունքի հիմնահարցեր. Ծրագրերի ֆինանսավորում» առարկան:
Աիդա Ավանեսսյանի` Հայաստան վերադառնալու հիմնական նպատակներից է Հայաստանում վեճերի այլընտրանքային լուծման, մասնավորապես` մեդիացիայի և արբիտրաժի զարգացմանը նպաստելը, ինչպես նաև միջազգային փորձի ու հմտությունների խթանումը:
Անձնական հետաքրքրություններ՝ պատմություն, հնագիտություն, երաժշտություն և թատրոն
Լեզուներ՝ հայերեն, անգլերեն, պարսկերեն:
