Հայաստանի ամերիկյան համալսարանի LL.M. ծրագրի մեդիացիոն և արբիտրաժային կլինիկան ԷյԴիԱր Փարթներս ընկերության հետ համատեղ կազմակերպում է հանդիպում-քննարկում ՀՀ արտոնագրված հաշտարարների, փաստաբանների, դատավորների, դատավորների օգնականների և ուսանողների մասնակցությամբ: Հանդիպման նպատակն է քննարկել Հայաստանում վերջերս ներդրված հաշտարարի ինստիտուտի զարգացմանն ուղղված քայլերը, որոնք կարող են ձեռնարկվել հաշտարարների, դատավորների և փաստաբանների կողմից: Հանդիպումը վարելու է ԷյԴիԱր Փարթներս ընկերության հիմնադիր, արտոնագրված հաշտարար, արբիտր Մուշեղ Մանուկյանը:

Հանդիպումը տեղի է ունենալու դեկտեմբերի 28-ին, ժամը 18:30-ին Հայաստանի ամերիկյան համալսարանի նոր մասնաշենքի 308E լսարանում: 

Հանդիպման մուտքն ազատ է: Մասնակցելու դեպքում խնդրում ենք հաստատել Ձեր մասնակցությունը` զանգահարելով 098 881720 հեռախոսահամարով կամ գրելով info@adr.am հասցեին: