Նարինեհ Հագոբյան
Քեյս մենեջեր
ԷյԴիԱր Փարթներս ՍՊԸ
Մեդիացիայի, Արբիտրաժի
և Վեճերի Այլընտրանքային
Լուծման Ծառայություններ
Բաղրամյան 44, բն. 6
Երևան 0019,
Հայաստանի Հանրապետություն
Հեռ.: +374 98 88 1720
Էլ. փոստ: info@adr.am
Կայք: www.adr.am
Մեդիացիա,
Պայմանագրեր,
Ընտանեկան իրավունք,
Աշխատանքային իրավունք
Ադելաիդա Բաղդասարյանը միացել է ԷյԴիԱր Փարթներսին 2015 թվականի հունիս ամսին որպես հաշտարար: Տիկին Բաղդասարյանը կրթությունը ստացել է նախ Երևանի պետական համալսարանում` ավարտելով այն 1996 թվականին, այնուհետև ուսումը շարունակել է Հայաստանի ամերիկյան համալսարանում` 2007 թվականին ստանալով համեմատական իրավական ուսմունքների մագիստրոսի կոչում և, վերջապես, 2015 թ.-ին Հարվարդի համալսարանի իրավունքի դպրոցում` ստանալով իրավաբանության մագիստրոսի կոչում:
Ադելաիդա Բաղդասարյանը մասնագիտական վերապատրաստումներ է անցել Կորպորատիվ կառավարման, Քաղաքային կայուն զարգացման, Դրամաշնորհների և կոոպերատիվ համաձայնագրերի մոնիթորինգի, Դրամաշնորհների կառավարման էթիկայի, Միջազգային մարդասիրական իրավունքի և այլ ոլորտներում:
Նախկինում աշխատել է Երևանում Ամերիկայի Միացյալ Նահանգների դեսպանատանը որպես Քաղաքական ծրագրերի օգնական և զեկույցներ է տրամադրել քաղաքական և տնտեսական զարգացման, արտաքին աջակցության, կառավարման և կոռուպցիայի հետ կապված խնդիրների վերաբերյալ; համակարգել և իրավաբանական աջակցություն է տրամադրել Հայաստանում Միացյալ Նահանգների կողմից իրականացվող բոլոր ծրագրերին; լուծել է Միացյալ Նահանգների աջակցության ծրագրեր իրականացնող գործընկերների և գործակալությունների խնդիրները` կապված հարկերի և մաքսատուրքերի հետ` համագործակցելով Հայաստանի պետական եկամուտների կոմիտեի և արդարադատության սեկտորի հետ; հանդիսացել է դեսպանատան զարգացման ծրագրերի առաջնային կոնտակտային անձ:
Տիկին Բաղդասարյանը աշխատել է նաև Ագրոբիզնեսի և գյուղի զարգացման կենտրոնում որպես օգնական, Հայաստանի Հանրապետության (ՀՀ) Ազգային Ժողովում որպես ադմինիստրատիվ ավագ աշխատակից և Ղարաբաղի Ազգային Ժողովի ներկայացուցչի օգնական, Համաշխարհային Բանկի ՀՀ Ազգային վիճակագրական ծառայության ծրագրի համար որպես Համաշխարհային Բանկի խորհրդատուի օգնական և այլն:
2009 թվականից առ այսօր հանդիսանում է ԱՐՄԱԴԵԼ իրավաբանական խորհրդատվական գրասենյակի իրավախորհրդատու, որտեղ իրավաբանական աջակցություն է տրամադրում միջազգային բիզնեսում ներգրավված իրավաբանական անձանց/գործարար հաճախորդներին և անհատներին` լուծելու Հայաստանից դուրս ծագած իրենց գործարար խնդիրները: 2015 թվականի հուլիսին նշանակվել է Հայաստանի ամերիկյան համալսարանի իրավագիտության մագիստրոսական ծրագրի ղեկավար, որտեղ դասավանդում է սկսած 2010 թվականից:
Լեզուներ: հայերեն, ռուսերեն, անգլերեն, իսպաներեն
Ամուսնացած է, ունի երեք երեխա: